مقدمة عن المرض
أورام الرأس والرقبة بتشمل أي ورم ممكن يظهر في المناطق دي، زي الفم، الحنجرة، البلعوم، الغدد اللعابية، الجيوب الأنفية، وحتى الجلد في المنطقة دي. بعض الأورام بتكون حميدة، وبعضها ممكن يكون خبيث، وعلشان كده التشخيص المبكر هو المفتاح لاختيار أنسب علاج وتحقيق أعلى نسب شفاء. مع تطور التقنيات الجراحية والعلاجية، التعامل مع الأورام دي بقى أكثر دقة وأمانًا، مع تقليل المضاعفات وتحسين جودة حياة المريض بعد العلاج
كل ما تحتاج ان تعرفه عن أورام الرأس والرقبة
- أسباب حدوث المرض
- الأعراض
- الأعراض
- طرق الكشف
- تميز الدكتور في الجراحة
- كيف تستعد للجراحة
أسباب حدوث المرض
- التدخين وتعاطي الكحول : من أهم العوامل اللي بتسبب أورام الحنجرة والفم
- فيروس الورم الحليمي البشري : مرتبط ببعض أنواع سرطانات الفم والحلق
- التعرض المزمن للمواد الكيميائية : زي عمال المصانع اللي بيتعرضوا لمواد زي الأسبستوس
- ضعف المناعة : بعض الأمراض اللي بتضعف الجهاز المناعي ممكن تزود احتمالية الإصابة
- العوامل الوراثية : وجود تاريخ عائلي للأورام دي ممكن يكون عامل خطر
ملحوظة مهمة
* مش كل شخص عنده واحد من العوامل دي هيصاب بالمرض، لكنها بتزود احتمالية حدوثه، وده بيأكد أهمية الفحص الدوري، خاصة لو فيه أي أعراض مقلقة
الأعراض
- كتلة أو ورم في الرقبة، الوجه، أو الفم
- صعوبة في البلع أو التنفس
- تغيرات في الصوت أو بحة مستمرة
- قرح في الفم لا تلتئم
- نزيف غير مبرر من الفم أو الأنف
- فقدان الوزن المفاجئ
ملحوظة مهمة
* الأعراض دي ممكن تكون ناتجة عن مشاكل بسيطة زي التهابات، لكن استمرارها لفترة طويلة يستدعي زيارة الطبيب للتأكد
طرق الكشف
- اختبارات الفحص السريري: الطبيب بيحدد حجم الورم وموقعه، وبيشوف تأثيره على الأنسجة المحيطة
- المنظار (Laryngoscopy/Nasopharyngoscopy): بيتم إدخال أنبوب صغير بكاميرا لفحص الحلق والحنجرة من الداخل
- الأشعة المقطعية (CT) أو الرنين المغناطيسي (MRI) لتقييم حجم الورم وانتشاره في الأنسجة القريبة
- الخزعة بالإبرة الدقيقة (FNA تحليل عينة من الورم لمعرفة إذا كان حميد أو خبيث
- اختبارات الدم وعلامات الأورام: بتساعد في تقييم الحالة العامة للمريض ومدى تأثر الجسم بالورم
عارف إن سماع كلمة “ورم” ممكن يكون مرعب، لكن الحقيقة إن الطب دلوقتي اتطور جدًا، والعلاج بقى أكثر دقة وأمان. أهم حاجة إنك تكون متأكد إنك في أيد أمينة، وإن كل خطوة في العلاج هتقربك من الشفاء بإذن الله. ربنا قال
“وَلَا تَيْأَسُوا مِن رَّوْحِ اللَّهِ”
والأمل هو سر القوة في الرحلة دي
.
طرق العلاج
ملحوظة مهمة
*العلاج بيتم تحديده حسب موقع الورم، حجمه، ومدى انتشاره.
الجراحة لإزالة الورم
استئصال جزئي : لو الورم صغير وموجود في مكان محدد، بيتم استئصال الجزء المصاب فقط
استئصال كامل : في بعض الحالات، الجراح ممكن يحتاج يشيل جزء أكبر من الأنسجة المحيطة لضمان عدم انتشار الورم.
الجراحة بالمنظار : في بعض أورام الحنجرة والبلعوم، بيتم استخدام تقنيات حديثة بالمنظار لتقليل الجرح والتعافي السريع.
العلاج الإشعاعي : بيتم استخدامه إما كعلاج رئيسي أو بعد الجراحة لتدمير أي خلايا سرطانية متبقية.
لعلاج الكيماوي:
غالبًا بيتم استخدامه في الحالات المتقدمة أو مع الإشعاع لزيادة فعالية العلاج
العلاج المناعي أو الموجه:
أدوية حديثة بتستهدف الخلايا السرطانية نفسها، وبتقلل من الآثار الجانبية مقارنة بالكيماوي
تميز الدكتور في الجراحة
الدكتور الحسين عادل مازن متخصص في جراحات أورام الرأس والرقبة باستخدام أحدث التقنيات الجراحية، لضمان استئصال الورم بدقة مع الحفاظ على الأنسجة الحيوية قدر الإمكان. خبرته في التعامل مع الحالات الصعبة والمعقدة بتضمن للمريض أقل مضاعفات وأسرع فترة تعافي.